(12)ရာသီခွင် နှင့် လူသားများ - အပိုင်း(၁

(12)ရာသီခွင် နှင့် လူသားများ - အပိုင်း(၁) ------------------------------------------------

မိဿရာသီဖွား (သို့)အလှမ်းကျယ်၍ အလယ်လပ်ကြသူများ

အင်္ဂလိပ်ရက် မတ်လ (21)ရက်ကနေ ဧပြီ (19)အတွင်း မွေးဖွားကြသူများဟာ မိဿရာသီဖွားများဖြစ်ကြပါတယ်။

မိဿရာသီ ဟာ (၁၂)ရာသီခွင်မှာ “ပထမ” ဦးဆုံး ရာသီတစ်ခုဖြစ်ပြီး ကသစ်ဂြိုဟ်ဟာ “အင်္ဂါဂြိုဟ်” ဖြစ်ပြီး၊ ဥုစ်ဂြိုဟ်ဟာ “တနင်္ဂနွေဂြိုဟ်” ဖြစ်ပါတယ်။ ဒီရာသီမှာ “စနေဂြိုဟ်” ဟာ နိစ် မူပါတယ်။ရာသီခွင်ရုပ်ပုံကတော “သိုးထီး” ရုပ်ဖြစ်ပါတယ်။ “စရရာသီ” ,“ကျား” ရာသီဖြစ်ပါတယ်။

ဒီအချက်တွေကို ပေါင်းစပ်လိုက်ရင် – မိဿရာသီဖွားများဟာ အကြံကြီးတယ်၊ ရည်မှန်းချက်ကြီးတယ်၊ ဦးဆောင်လိုတယ်၊ စိတ်မြန်တယ်၊ ခုဆို ခုမှ ဆိုတဲ့ လူစားမျိုးတွေဖြစ်တယ်။

အင်္ဂါဂြိုဟ်ဟာ စိတ်ဇောကြီးစေပေမယ့် စနေဂြိုဟ်နိစ်မူလို့ အားမရှိတဲ့အတွက် ၀ီရိယ အားနည်းသူများဖြစ်တယ်။ဟုန်းကနဲ ထတောက်လွယ်ပေမယ့် ငြိမ်းလွယ်တဲ့ ကောက်ရိုးမီးလို လူစားမျိုးတွေဖြစ်တယ်။အချိန် မှန်မှန်လုပ်ရတဲ့ အလုပ်တွေ ၊ အချိန်ယူလုပ်ရတဲ့ အလုပ်တွေကို ငြီးငွေ့တတ်သူတွေဖြစ်တယ်။ ခရီးသွားလာရခြင်း၊ စွန့်စား ရခြင်းများကို ၀ါသနာထုံတယ်။

စိတ်ရှည်မှု၊ သည်းခံမှု နည်းသူများဖြစ်တယ်။အချစ်စိတ်၊ ရာဂစိတ်ပြင်းထန်တတ်ကြပေမယ့် အလွန်အကျွံမဖြစ်အောင်လည်း ထိန်းသိမ်းနိုင်စွမ်းရှိကြသူများတယ်။ စည်းစနစ်ကျနမှု နည်းပြီး ကပျစ်ကညစ်နေတတ်ကြသူ များဖြစ်ကြတယ်။ဒါကြောင့်

မိဿရာသီဖွားများဟာ အောင်မြင်လိုစိတ်၊ ကြီးပွားလိုစိတ် ပြင်းထန်ကြပေမယ့် စေ့စပ်သေချာမှု အားနည်းတတ်ကြလို့ “အလှမ်းကျယ်ပြီး အလယ်လပ်ကြသူများ” လို့ ယေဘူယျ ကင်ပွန်းတပ်ပေးလိုက်ပါတယ်။

.

ပြိဿရာသီဖွား (သို့) ပေသီးခေါက်လွန်းကြသူများ

အင်္ဂလိပ်ရက် ဧပြီ (20) မှ မေ (20)အတွင်း မွေးဖွားလာကြသူများဟာ

ပြိဿရာသီဖွားများ ဖြစ်ပါတယ်။ ရာသီပိုင်ဂြိုဟ် (ကသစ်)ဂြိုဟ်ဟာ သောကြာဂြိုဟ်ဖြစ်ပြီး၊ တနင်္လာဂြိုဟ် ဥုစ်မူတဲ့ ရာသီဖြစ်ပါတယ်။ရာဟုဂြိုဟ် နိစ်မူရာ ရာသီခွင်လည်း ဖြစ်ပြီး ရာသီအရုပ်ကတော့ “နွားသိုး” ရုပ်ဖြစ်ပါတယ်။ “ထိရ” ရာသီ “မ” ရာသီ ဖြစ်ပါတ်။

ဒီအချက်တွေကို ပေါင်းစပ်လိုက်ရင် ပြိဿရာသီဖွားများဟာ အပြောင်းအလဲ နှေးကွေးတတ်သူများဖြစ်ပြီး အရာရာကို အလွယ်တကူ လက်မခံတတ်ကြသူများ ဖြစ် ပါတယ်။ အရာရာကို စွဲစွဲမြဲမြဲ ရှိတတ်ကြပြီး စည်းကမ်းသေ၀တ်ကြသူများလည်း ဖြစ်ပါတယ်။ဘ၀ကြီးပွားရေး၊ စီးပွားရေး တွေမှာ စိတ်လောမကြီးတတ်ကြဘဲ “ဖြေးဖြေး မှန်မှန် ၊ နည်းလမ်းမှန်” ဆိုတဲ့ သဘောတရားမျိုးကို ခံယူကျင့်သုံးတတ်ကြ သူများဖြစ်ပါတယ်။

အပြောင်းအလဲနှေးကွေးတဲ့ သူများဖြစ်ပြီး တစ်ချို့ဆိုရင် “ဘူးဆိုရင် ၊ ဖရုံ မသီး” တတ်ကြသူများဖြစ် ပါတယ်။ အရာရာမှာ သတိကြီးတယ်။ အမှတ်သည်းခြေ ကြီးတယ်။လူစိမ်းတွေအပေါ်မှာ သတိကြီးကြီးထားပြီး ဆက်ဆံ တတ်တယ်။ ဘယ်သူ့ကိုမှ သိပ်မယုံတတ်ဘူး။

ငွေကြေးသုံးစွဲမှုမှာ စီစစ်ချွေတာ လွန်းတတ်ကြတာမို့ ကပ်စေးနှဲသူများလို့ အတူနေသူများက အသိအမှတ်ပြုခံရတတ်ပါတယ်။ အရာရာမှာ တန်ရာတန်ကြေးကို သိပ်တွက်ပြီး ဈေးဆစ်တတ်ကြလို့ သူတို့ကို “ပေသီးခေါက်လွန်းကြသူများ” လို့ နာမည် ကင်ပွန်းတပ် ပေးလိုက်ပါတယ်။

.

မေထုန်ရာသီဖွား (သို့)တည်ငြိမ်အေးချမ်းမှု ကင်းမဲ့ကြသူများ

အင်္ဂလိပ်ရက် မေလ (21)မှ ဇွန်လ(20)အတွင်း မွေးဖွားလာကြသူများဟာ မေထုန်ရာသီဖွားများ ဖြစ်ပါတယ်။သုံးခုမြောက် ရာသီခွင်ဖြစ်ပြီး ရာသီအိမ်ပိုင်ဂြိုဟ် (ကသစ်)ဂြိုဟ်ဟာ ဗုဒ္ဓဟူးဂြိုဟ်ဖြစ်ပြီး၊ ဥုစ်ဂြိုဟ် ကသစ်ဂြိုဟ် မရှိပါဘူး။ ဒွေးဒေဟရာသီ ဖြစ်ပြီး ရာသီခွင် အရုပ်ကတော့ “ယောင်္ကျား၊ မိန်းမ” နှစ်ကိုယ်တွဲပုံဖြစ်ပါတယ်။

ဒီအချက်တွေကို ပေါင်းစပ်လိုက်တဲ့အခါမှာ ဗုဒ္ဓဟူးဂြိုဟ်ရဲ့ လျှင်မြန်သွက်လက်မှု မတည်ငြိမ်မှု၊ ဒွေးဒေဟရာသီရဲ့ နှစ်ခွဖြစ်မှု သဘောတရားတို့ကြောင့် မေထုန်ရာသီဖွား များဟာ နာရီချိန်သီးလို ယောက်ယက်ခပ် လှုပ်ရှားနေကြသူများဖြစ်တယ်။ ဘယ်အရာကိုမှ စွဲစွဲမြဲမြဲ မရှိလှဘူး။ တိတိကျကျ ဆုံးဖြတ်နိုင်မှု အားနည်းတယ်။

ဉာဏ်ကောင်းတယ်။ စကားပြောကောင်းတယ်။တင်္ခနုပ္ပတိဉာဏ်ကောင်းတယ်။ လူမှုဆက်ဆံရေးကောင်းတယ်။ဒါပေမယ့် ခိုင်မာတဲ့ ရည်မှန်းချက်၊ ဘ၀ခံယူချက်တွေ နည်းတယ်။ သူများစကား နားယောင်လွယ်တယ်။ ဇွဲမရှိဘူး။ ဇွဲ၊ ၀ီရိယနဲ့ လုပ်ရမယ့် အလုပ်ဆိုရင် သူတို့နဲ့ မတည့်လှဘူး။

အနုပညာဗီဇရှိတယ်။ အနုပညာနဲ့ ကျော်ကြားတတ် တယ်။နေရာတစ်နေရာ၊ အလုပ်တစ်ခုခုမှာလည်း ကြာကြာမတည်မြဲတတ်ဘူး။ အပေါ်ယံ ကြည့်လိုက်ရင်တော့ ပျော်ပျော် နေတတ်သူများလို့ ထင်စရာ ရှိပေမယ့် တကယ်တော့ သူတို့ဘ၀ဟာ “တစ်ခုခုလိုအပ်နေပြီး” ၊ စိတ်ထားမတည်ငြိမ်ကြတာ မို့ သူတို့ကို “တည်ငြိမ်အေးချမ်းမှု ကင်းမဲ့ကြသူများ” လို့ နာမည်ကင်ပွန်းတပ်ပေးလိုက်ပါတယ်။

.

ကရကဋ်ရာသီဖွား (သို့) လောကကြီးကို ဂွတိုက်တတ်ကြသူများ

အင်္ဂလိပ်ရက် ဇွန်လ (21)မှ ဇူလိုင်လ(22)အတွင်း မွေးဖွားလာကြသူများဟာ ကရကဋ်ရာသီဖွားများ ဖြစ်ပါတယ်။ (၄)ခုမြောက် ရာသီခွင်ဖြစ်ပြီး ရာသီပိုင်ဂြိုဟ်က တနင်္လာဂြိုဟ် (လမင်း)ဖြစ်ပါတယ်။ ကရကဋ်ရာသီမှာ ဂုရုလို့ခေါ်တဲ့ ကြာသပတေးဂြိုဟ်ကြီးဟာ “ဥုစ်” မူပြီး “အင်္ဂါ”ဂြိုဟ် “နိစ်” မူတဲ့ ရာသီခွင်လည်းဖြစ်ပါတယ်။ ရာသီအရုပ်ကတော့ “လက်မထောင်ပြီး ဘေးတိုက်သွားနေတဲ့ လယ်ပုဇွန်လုံးရုပ်” ဖြစ်ပါတယ်။

ဒီအချက်တွေကို ပေါင်းစပ်လိုက်ရင် ကရကဋ်ရာသီ ဖွားများဟာ မိမိနေအိမ်မိသားစုကို ခင်တွယ်တယ်။ကာကွယ်စောင့်ရှောက်တတ်တယ်။ တနင်္လာဂြိုဟ်ဖြစ်ပြီး “မိန်းမ” ရာသီ ဖြစ်လို့ မိခင်စိတ်ရှိသူများဖြစ်ကြတယ်။ အသိပညာ၊ အတတ်ပညာတွေကို ငွေကြေးဓနဥစ္စာထက် ပိုမို ခုံမင်တတ်တယ်။ ဒါပေမယ့် လက်မထောင်နေတဲ့ လယ်ပုဇွန်လုံးသရုပ်သကန်ကြောင့် “၀င့်ဝါတယ် မောက်ကြွားတတ်တယ်”၊ အတွင်းစိတ်က နူးညံ့သိမ်မွေ့ပေမယ့် နှစ်လိုဘွယ်ရာ စကားမျိုးကို မပြောတတ်ဘဲ “ကန့်လန့်တိုက်တတ်ကြလို့” လူချစ်လူခင် သိပ်မများလှ တာကို တွေ့ရတယ်။

သူတစ်ပါးကို လှောင်ပြောင်ပြောဆိုတတ်တယ်။ ရန်သူပေါတယ်။ ဘေးကျကျပြောတတ်ပေမယ့် အင်္ဂါဂြိုဟ် နိစ်ဖြစ်တာမို့ တစ်ကယ်တန်းကျ သတ္တိနဲပြီး၊ သွေးငယ်တတ်သူများဖြစ်တယ်။ တနင်္လာဂြိုဟ်ရဲ့ ကသစ်အိမ် ဖြစ်ပြီ ကြာသပတေးဂြိုဟ် ဥုစ်မူတာကြောင့် “စန္ဒြဂုရုယုဂ်” ရတဲ့ ရာသီဖွားများဖြစ်လို့ စိတ်ထားဖြူစင်ကြပေမယ့် ဘယ်သူနဲ့ မှ ရေရှည်တည့်အောင် မပေါင်းနိုင်ကြလို့ သူတို့ကို “လောကကြီးကို ဂွတိုက်တတ်ကြသူများ” လို့ နာမည်တပ် ပေးလိုက်ပါတယ်။